Gael Monfis ilk davradayoq mag'lubiyatga uchradi

Franciyalik tennischi dunyo reytingida 88-pog'onadan joy egallab turgan ispaniyalik Albert Ramosga qarshi kortga chiqdi. Bir soatu 1 daqiqa davom etgan uchrashuvda Ramos 6/3, 6/1 hisobida zafar quchdi. 

Etiborlisi, bu ikki tennischi o'zaro to'rt bora to'qnash kelishgan va barcha uchrashuvlarda Ramosning qo'li baland kelgan. Ispaniyalik tennischi Internazionali BNL D'Italia turnirining ikkinchi davrasida argentinalik Diego SHvarcman hamda yaponiyalik Yosixito Nisioka bahsi g'olibiga qarshi kortga chiqadi.