"G'alabamni ota-onam va farzandlarimga bag'ishlayman", - Istam Qudratov

Kecha ikkinchi kun final bahslari ham o'z yakuniga etdi. Jangovor sambo bo'yicha -71 kg.gacha bo'lgan vaznda yurtimiz sharafini himoya qilgan Istam Qudratov finalda qirg'izistonlik tajribali raqibini engib, jamoamizga oltin medalni taqdim etdi. G'alabadan so'ng sportchimizning jang haqidagi fikrlariga qiziqdik:

"Guvohi bo'lganingizdek, finalda qirg'izistonlik kuchli raqib Temarlan Toktorbaev ustidan g'alaba qozondim. Bundan avvalgi bahslarda tojikistonlik sportchi hamda o'zimizning terma jamoamiz vakili bilan bellashgan edim. SHukurki, finalda ham g'olib bo'lib terma jamoamiz hisobiga oltin medalni yozdirib qo'ydim. Bizning shunday natijalarga erishishimiz yo'lida mehnat qilayotgan O'zbekiston Sambo Associaciyasi rahbariyatiga, Ichki Ishlar vazirligiga, murabbiylarimga alohida minnatdorchilik bildiraman. Osiyo chempionatlaridagi uchinchi oltin medalimni qo'lga kiritdim. G'alabamni ota-onam va farzandlarimga bag'ishlayman", - dedi  Istam Qudratov.

Sarvinoz Raxmonqulova suxbatlashdi