28 fev 09:40
Yangiliklar
Futbol
“Galatasaroy” Istanbul derbisida “Beshiktosh”ga yutqazdi
Turkiya Superligasining 22-tur markaziy uchrashuvi Istanbul derbisida bo'lib o'tdi.
Unda “Galatasaroy” jamoasi o'z maydonida hamshahri “Beshiktosh”ni qabul qildi. “Turk Telekom - Ali Sami Yen” stadionida bo'lib o'tgan uchrashuv biroz kutilmagan natija bilan yakunlandi.
Mehmon maqomida harakat qilgan “Beshiktosh” futbolchilari 1:0 hisobida zafar quchishdi. Yagona gol ikkinchi bo'lim boshida Anderson Taliska tomonidan kiritildi.
“Galatasaroy” ketma-ket uchinchi o'yindan beri g'alaba qozona olmayapti. Bugungi g'alabadan so'ng “Beshiktosh” 50 ochko bilan birinchi o'rinni egallab turibdi. “Istanbul Bashakshehir” 46 ochko bilan ikkinchi, “Galatasaroy” esa uchinchi (40 ochko) o'rindan joy olgan.
Havola :
Fikrlar