Garbin Mugurusa 85-raketkaga yutqazib, Rabat turnirini tark etdi

WTA reytingida 10-o'rinni egallab turgan ispaniyalik Garbin Mugurusa turnirning ikkinchi davrasida dunyoning 85-raketkasi, italiyalik Martin Trevizanga 6/2, 4/6, 1/6 hisobida imkoniyatni boy berib qo'ydi va musobaqani tark etdi.

Uchrashuv 2 soatu 12 daqiqa davom etdi. Ushbu vaqt davomida Garbin bitta eys, beshta qo'sh xato va beshta breyk qayd etdi. Martina esa bitta eys zarbasini amalga oshrib, to'pni o'yinga kiritishda besh marta xatoga yo'l qo'ydi va oltita breykdan unumli foydalandi. Bu tennischilarning o'zaro ilk uchrashuvi edi..

Martina Grand Prix Sar La Princesse Lalla Meryem turniri chorak finalida gollandiyalik Aranta Rusga qarshi bahs olib boradi.