Garbin Mugurusa Dubayda muvaffaqiyatli start oldi

Dunyoning 16-raketkasi bo'lib turgan Garbin Mugurusa Dubai Duty Free Tennis Championships musobaqasining ilk davrasida g'alabaga erishdi. Ispaniyalik tennis malikasi reytingning 73-pog'onasidan joy olib turgan ruminiyalik raqibasi Irina-Kameliya Beguni mag'lubiyatga uchratdi - 6/3, 7/5.

Ushbu bahs 96 daqiqa davom etgan va unda Garbin 2 ta, Irina-Kameliya 1 ta eys zarbani amalga oshirdi. Mugurusa o'zaro uchrashuvlardagi hisob ko'rinishini yiriklashtirdi - 4:1. Endi Garbin ikkinchi davrada amerikalik Amanda Anisimovaga qarshi kortga chiqadi.