Garin dramatik finalda Xyuston turniri chempioni bo'ldi

U.S. Men's Clay Court Championship turnirining final uchrashuvida dunyoning 73-raketkasi chililik Kristian Garin hamda reytingning 95-pog'onasidan joy olgan norvegiyalik Kasper Ruud to'qnash kelishdi. 

Bir daqiqasi kam ikki yarim soat davom etgan final uchrashuvida Garin raqibini 7/6(4), 4/6, 6/3 hisobida mag'lub etdi. Xyustondagi muvaffaqiyatli ishtirok Garinga faoliyatidagi ilk sovrin, 100 600 AQSH dollari miqdoridagi pul mukofoti hamda 250 reyting ochkosini keltirdi.