Gerges kichik Yakuniy turnir g'olibasiga aylandi

Sovrin jamg'armasi 2 million 280 ming 935 dollardan iborat ushbu musobaqada Yakuniy turnirda qatnasha olmagan kuchli raketka ustalari bosh sovrin uchun kurash olib borishdi.

Turnirning hal qiluvchi final uchrashuvida ikkinchi raketka sifatida harakat qilgan amerikalik Koko Vandevege germaniyalik Yuliya Gergesga qarshi kortga chiqdi.

Bir soatu 20 daqiqa davom etgan bahsda Gerges kuchli raqibasini 7:5, 6:1 hisobida mag'lub etib, bosh mukofot sohibasiga aylandi. Mavsumning so'nggi 9 ta uchrashuvida ketma-ket g'alabaga erishgan 29 yoshli Yuliya faoliyatidagi to'rtinchi sovrinini qo'lga kiritdi.