G'olibi 1,1 mln dollarni qo'lga kiritgan SHanxay "Masters" turniri yakunlandi

Hal qiluvchi final uchrashuvida dunyoning birinchi raketkasi Yannik Sinner ATP reytingida to'rtinchi o'rinni egallab turgan serbiyalik Novak Jokovichga qarshi kortga chiqdi. To'qson to'qqiz daqiqa davom etgan bahsda italiyalik iqtidor egasi tajribali raqibini 7/6(4), 6/3 hisobida mag'lubiyatga uchratdi. 

Bu bilan Yannik tennischilarning o'zaro uchrashuvlaridagi hisob muvozanatini ham tiklab qo'ydi - 4:4. Sinner 9, Jokovich 4 ta eys zarbasini amalga oshirdi. Ikkala tennischi ham qo'shxatoga yo'l qo'ymadi. Bitta eys ustunligi italiyalikka bosh sovrinni taqdim etdi. 

Yannik Sinner ketma-ket ikkinchi "Masters" turnirida chempion bo'ldi. SHanxaydagi muvaffaqiyatli ishtirok dunyoning birinchi raketkasiga 1000 reyting ochkosi hamda 1 million 100 ming AQSH dollari keltirdi. Vice-chempion Jokovich esa 650 ochko va 585 ming dollar ishlab oldi.