Grenke Freestyle Chess Open. Javohir Sindarov yuz foizlik natija bilan peshqadamlar safida

Bir nechta guruhda o'tkazilayotgan musobaqaning kuchlilar jam bo'lgan A guruhida grossmeysterimiz Javohir Sindarov ham muvaffaqiyatli odimlayapti. Kecha hamyurtimiz o'tkazilgan har ikki tur uchrashuvida g'alabaga erishdi. U 1-turda qora donalarda germaniyalik Detlev Volterni mag'lubiyatga uchratgandi. 

Ikkinchi turda Sindarov oq donalarda germaniyalik Yonas Rosnerdan ustun keldi. Uchinchi turda qora donalarda harakat qilganiga qaramay, polshalik grossmeyster Pyorun Kasperni engdi. 

Musobaqaning birinchi raqamli ishtirokchisi Magnus Karlsen ham dastlabki uch uchrashuvda g'alaba qozondi. Ikkinchi raqam ostida tasniflangan amerikalik Fabiano Karuana oq donalarda o'ynashiga qaramay, francuz Etenn Bakroga imkoniyatni boy berib qo'ydi. Uchinchi turdan keyin 14 nafar ishtirokchi yuz foizlik natija qayd etib turibdi.

Bugun musobaqaning 4-turida Javohir Sindarov oq donalarda hindistonlik grossmeyster Praneshga qarshi bahs olib boradi. Magnus Karlsen qora donalarda Etenn Bakro bilan hisob-kitob qiladi.  

Grenke Freestyle Chess Open musobaqasining mukofot jamg'armasi 225 000 evroni tashkil etadi. CHempion 60 000 evro bilan birga Las-Vegasda o'tkaziladigan Freestyle Chess turnirida qatnashish huquqini qo'lga kiritadi. Ikkinchi o'rin sohibi 40 000, uchinchi o'rin egasi 30 000 evroga ega bo'ladi. Top-10`talikni yakunlab bergan shaxmatchi 3000 evroga ega chiqadi.