Grigor Dimitrov g'alaba bilan boshladi

Dunyoning 19-raketkasi, bolgariyalik Grigor Dimitrov Nyu-York turnirining birinchi davrasida g'alabaga erishdi. U 1 soatu 24 daqiqa davom etgan bahsda reytingning 42-pog'onasidan joy olgan franciyalik Ugo Umberdan ustun keldi - 6/3, 6/4.

Bu ikki tennischining o'zaro o'tkazgan ikkinchi uchrashuvi edi. Dastlabki bahsda ham aynan 29 yoshli Grigor zafar quchgandi. Dimitrov Western & Southern Open turnirining ikkinchi davrasida slovakiyalik Norbert Gomboshni 6/3, 6/4 hisoblarida mag'lub etgan vengriyalik Marton Fuchovichga qarshi kortga chiqadi.