Grunt qiroli Rafael Nadal ilk bor "Rolan Garros" birinchi davrasida yutqazdi

Ayni paytda ATP reytingida 275-pog'onada borayotgan Rafael Nadal ilk davradayoq turnirdagi ishtirokini to'xtatdi. Ispaniyalik afsona dunyoning to'rtinchi raketkasi, germaniyalik Aleksandr Zverevga imkoniyatni boy berib qo'ydi - 3/6, 6/7(5), 3/6. Zverev tennischilarning o'zaro uchrashuvlarida hamon yutqazmoqda - 4:7.

Etiborlisi, "Rolan Garros" turnirining 14 karra chempioni hisoblangan Nadal faoliyatida ilk bor birinchi davrada mag'lubiyat alamini totib ko'rdi. Bu grunt qiroli uchun faoliyatidagi uchinchi holat. Rafa 2013 yilgi Uimbldon hamda 2016 yilgi Australian Open turnirlarida ham birinchi davrada yutqazib qo'ygan edi. 

Uch soatu 5 daqiqa davom etgan bahsda Nadal 2, Zverev 8 ta eys zarbasini amalga oshirdi. Ikkala tennischi ham 3 tadan qo'shxatoga yo'l qo'ydi. Breyklar tabiiyki, nemis tennischisida ko'proq bo'ldi - 6 ga 2!