"Humo" bosh murabbiyi Kataev: "Bu o'yinga izoh shart emas"

"Barchamiz o'yinni ko'rdik. Afsuski, biz keyingi bosqichga chiqa olmadik. Bundan juda ham xafamiz. Lekin bugungi o'yinga izoh shart emas. Qaysi bosqichda va qaerda o'ynayotganimizni bilardik, avvalroq ham yutishimiz mumkin edi, kecha ham. Biroq afsus bo'lsinki, natijalarimiz shunday bo'lib turibdi. Seriyaga keladigan bo'lsak, juda jangovar o'yinlar ko'rdik. Hech bir yigitimga shikoyatim yo'q. Jamoaviy mehnat yaxshi bo'ldi. Oltinchi o'yinni o'zidayoq hal qilishimiz kerak edi. Bu safar ham ancha yaxshi o'ynadik. Muxlislarimizga katta rahmat aytamiz. Ular bizni chiroyli izohlar, video-roliklar bilan qo'llab-quvvatlayapti", dedi Kataev.

Toshkent va Ust-Kamenogorsk shaharlari sharafini himoya qiluvchi jamoalar o'rtasida kechgan ettita o'yindan iborat seriyada Torpedo (Ust-Kamenogorsk) vakillari umumiy 4:3 hisobida g'olib bo'lib, finalga yo'l oldi.