"Humo" raqiblari: Qozog'istonning navbatdagi klubi - "Aktobe"

Biz "qanotlilar"ning raqiblarini tanishtirishda davom etamiz. "Aktobe" xokkey klubi 2019 yilda tashkil topgan. Qozog'iston chempionati ishtirokchisi. Klub logotipi qizil-oq-ko'k ranglar bilan bezatilib, lola ko'rinishida ishlangan. 

O'tgan mavsumda jamoa Qozog'iston chempionatida oltinchi o'rinni egallab, pley-off bosqichiga yo'l olgan. “Aktobe” chorak finalda “Beybaris”ga imkoniyatni boy bergan. 

Kattalar jamoasidan tashqari, "Aktobe" MHK yoshlar jamoasi ham mavjud. 

"Aktobe" muz saroyi klub raqiblarini qabul qiladigan uy arenasi hisoblanadi. Saroy 2500 tomoshabin uchun mo'ljallangan.

"Humo" 29 va 30 sentyabr kunlari soat 19.00da "Aktobe" bilan mehmonda bahslashadi.