Iga Svyontek faoliyatida ilk bor Australian Open yarim finaliga chiqdi

Jahonning 9-raketkasi, polshalik Iga Svyotek Avstraliya Ochiq chempionatining chorak finalida WTA reytingida 115-o'rinni egallab turgan estoniyalik Kayya Kanepika qarshi kortga chiqdi. Ushbu bahsda Svyontek raqibasini 4/6, 7/6(2), 6/3 hisobida mag'lub etdi va faoliyatida ilk bor turnirning yarim finaliga yo'l oldi. Uchrashuv 3 soatu 2 daqiqa davom etdi. Bungacha tennischilar o'zaro to'qnash kelishmagan.

 Australian Open'ning yarim finalida 20 yoshli tennischi amerikalik Daniel Kollinz bilan final chiptasi uchun bahs olib boradi.