09 iyu 08:23
Yangiliklar

Tennis

Iga Svyontek "Rolan Garros" chempioni!

Sayyoramizning birinchi raqamli tennis malikasi Iga Svyontek kutilganidek "Katta Dubulg'a" turkumiga kiruvchi "Rolan Garros" turniri chempioniga aylandi.

Polshalik tennischi hal qiluvchi final uchrashuvida WTA reytingida 15-o'rinni egallab turgan italiyalik Jasmine Paolinini umuman sezmadi - 6/2, 6/1. Tennischilarning o'zaro uchrashuvlaridagi hisob yiriklashdi - 3:0.

Etmish daqiqa davom etgan bahsda ikkala tennischi ham bittadan eys zarbasini amalga oshirishdi. Qo'shxatolar 0 ga 2 ko'rinishida Jasmine foydasiga hal bo'ldi. Breyklar bo'yicha ustunlik Svyontek tomonida - 5 ga 1!

SHu tariqa, Iga faoliyatidagi beshinchi "Katta Dubulg'a" turniri chempionligini qo'lga kiritdi. U 4 karra "Rolan Garros" (2020, 2022, 2023, 2024) chempioniga aylandi. Polshalik qatorasiga uchinchi yil ham Parijda chempion bo'ldi. Uning jovonida US Open-2022 bosh sovrini ham bor.

Svyontek ikki haftalik mehnatidan 2 million 400 ming evro mukofot puli hamda 2000 reyting ochkosi qo'lga kiritdi. Uning bu yilgi mavsumdan ishlab topgan mukofot puli 6,9 mln, faoliyatidagi esa 31,5 mln dollarga etdi.