Ikki nafar kanoechining doping-sinamasidan “meldoniy” taqiqlangan moddasi aniqlandi

Hozirda barcha mamlakat vakillari kun chiqar yurt Yaponiya iqlimiga moslashish va so'ngi o'quv-mashg'ulotlarini aynan shu erda o'tkazish uchun tashrif buyurishmoqda.

Rejaga asosan Butunjahon antidoping agentligi tomonidan olimpiya o'yinlariga licenziya qo'lga kiritgan sportchilardan olimpiadaga qadar kamida 2 marta doping-sinama olish tartibi joriy etilgan.

Tokioga yo'l olgan rossiyalik ikki nafar sportchidan doping aniqlangan. Malum bo'lishicha, 17 iyunda kanoeda eshkak eshish bo'yicha terma jamoa azolaridan doping-sinama olingan. 6 iyul kuni natijalar elon qilingan va rossiyalik kanoechilar Nikita Morgachev hamda Pavel Sorinning doping-sinamalaridan “meldoniy” taqiqlangan moddasi aniqlangan.

Etiborli jihati bu natija kanoechilar Tokioga uchib ketishiga 4 soat qolganda malum bo'lgan va aeroportning o'zida ushlab qolingan. Sportchilarning takidlashiga ko'ra,  meldoniy moddasi ularning tanasiga qo'shimcha sport ozuqalari orqali kirgan. Lekin ular istemol qilgan barcha sport ozuqalari murabbiylar shtabi hamda Federal tibbiy-biologik agentligi huzuridagi Butunrossiya sport tibbiyoti markazi tomonidan maqbullangan. SHunday qilib, N.Morgachev va P.Sorin Olimpiadada qatnashish talabnoma ro'yxatidan olib tashlangan.

Eslatma! Antidoping qoidalarini buzgan sportchilar, murabbiylar, shifokorlar va boshqa shaxsiy tarkib vakillari uchun jazo muqarrardir!