Ikki tennischimiz Pokistondagi turnirda chorak finalga chiqishdi

Sovrin jamg'armasi 15 000 AQSH dollarini tashkil qiluvchi musobaqada uch nafar hamyurtimiz ham ishtirok etyapti. Ulardan ikki nafari saralash bahslarida g'olib chiqib, asosiy to'rga yo'l olgan bo'lsa, yana bir to'g'ridan-to'g'ri ushbu imkoniyatga ega chiqdi. 

Kecha tennischilarimiz juftlik bahslarida kortga chiqishdi. Serbiyalik Darko Yandrich bilan to'rtinchi raqamli juftlik hosil qilgan SHonig'matjon SHofayziev ilk davrada mezbon tennischilar - Ahmad CHoudxari hamda SHahzod Xonni 6:4, 5:7, tay-brekda 11:9 hisobida taslim etib, chorak finalga yo'l olishdi. 

Rossiyalik Dmitriy Myagkov bilan juftlik hosil qilgan Saidalo Saidkarimov ham chorak final ishtirokchisiga aylandi. Ular pokistonlik tennischilar - Musa CHoudxari va Malik Abdul Rahmonga hech qanday imkoniyat qoldirishmadi - 6:0, 6:0.