Ikkinchi raketka bo'lgan Albina reytingda o'zidan 421 pog'ona pastdagi tennischiga yutqazdi

Sovrin jamg'armasi 15 000 AQSH dollarini tashkil qiluvchi musobaqaning birinchi davrasida besh nafar tennischimiz kortga chiqqandi. Ulardan birgina Albina Xabibulina ikkinchi bosqichga yo'llanma olgan edi.

Afsuski, turnirda ikkinchi raqam ostida tasniflangan hamyurtimiz chorak final chiptasi uchun kechgan uchrashuvda reytingda o'zidan 421 pog'ona pastda joylashgan rossiyalik Nonna Kurginyanga 3:6, 3:6 hisobida yutqazdi.

Taqqoslash uchun, 25 yoshli Xabibulina dunyo reytingida 611, 19 yoshli Kurginyan esa 1032-o'rinni egallab turibdi.