16 mar 11:06
Yangiliklar

Tennis

Indian-Uells. Nadal Xachanovni tay-breklarda mag'lub etdi

Dunyoning ikkinchi raketkasi Rafael Nadal qiyinchilik bilan BNP Paribas Open turnirining yarim finaliga yo'l oldi.

Ispaniyalik tennis yulduzi ATP reytingida 13-pog'onadan joy olgan rossiyalik Karen Xachanovdan ustun keldi. Ikki soatu 16 daqiqa davom etgan uchrashuv g'olibi tay-breklarda aniqlandi. Unda Nadal 7/6(2), 7/6(2) hisobida zafar quchib, yarim finalga chiqdi.

Etiborlisi, Rafael bor yo'g'i bitta, Karen esa 17ta eys zarbani amalga oshirdi. Ikki tennischining o'zaro o'yinlaridagi hisob 6:0 ko'rinishiga keldi. Yarim finalda tennis muxlislari ajoyib uchrashuvga guvoh bo'lishadi: Nadal vs Federer!