“Islom birdamlik o'yinlari”. SHaripova 17 yashar 540-raketkaga yutqazdi

Bugun musobaqa dasturida faqat tennischilarimiz medallar uchun bahslarga kirishishi haqida xabar bergan edik. Afsuski, Sabina SHaripova yakkalik musobaqasining yarim finalida mag'lubiyatga uchradi.

Mamlakatimizning birinchi raketkasi mezbonlar vakilasi Berfu CHengizga qarshi kortga chiqdi va 6:7(4), 4:6 hisobida yutqazib qo'ydi. 22 yoshli SHaripova dunyo reytingida 139, 17 yoshli CHengiz esa 540-o'rinni egallab turibdi.

Endi Sabina SHaripova ikkinchi yarim finalda mag'lubiyatga uchragan ummonlik tennischi Fatma Al Nabxaniga qarshi bronza medali uchun kortga chiqadi.