Isroil Madrimov va Otabek Xolmatov ishtirokidagi janglar yilning eng yaxshilari bo'lishi mumkin

Etiborlisi, so'rovnomalardan o'zbekistonlik professional bokschilar ishtirokidagi janglar ham o'rin oldi.

Jumladan, yarimengil vazn toifasidagi Otabek Xolmatovning WBA kamari yo'lida amerikalik Raymond Fordga qarshi o'tkazgan bahsi yilning eng yaxshi raundi (12) va yilning eng yaxshi jangi nominaciyasida nomzod sifatida kiritilgan.

Yodingizda bo'lsa, o'sha jangda Ford hamyurtimizni 12-raundning so'nggi soniyalarida texnik nokaut evaziga mag'lub etgandi. Alam qiladigan holat shundaki, referi tomonidan jang to'xtatilguniga qadar Xolmatov ochkolar hisobiga ko'ra oldinda bo'lgandi.  

Bundan tashqari, super yarimo'rta vazn toifasidagi vakilimiz Isroil Madrimovning mashhur Terens Kroufordga qarshi chempionlik himoya jangi yilning eng yaxshi oqshomi nominaciyasiga kiritilgan.

Jangda Krouford ochkolar hisobiga ko'ra g'alaba qozongandi.