01 okt 14:50
Yangiliklar

Tennis

Istomin Almati turniridagi ilk uchrashuvini o'tkazdi

Qozog'istonning Almati shahrida tennis bo'yicha “CHellenjer” turkumiga kiruvchi turnirning asosiy to'r bahslari boshlandi.

Sovrin jamg'armasi 50 000 AQSH dollarini tashkil qiluvchi ushbu turnirda hamyurtimiz Denis Istomin ham ishtirok etyapti va tabiiyki, u musobaqaning birinchi raqamli tennischisi!

Mamlakatimizning birinchi raqamli tennischisi ilk davrada portugaliyalik Frederiku Silvaga qarshi kortga chiqdi. Bu ikki tennischi shu paytgacha bir marotaba to'qnash kelishgandi. O'tgan yili o'tkazilgan o'sha uchrashuvda Silva g'alaba qozongan edi.

Bu safar Denis bir yil avvalgi mag'lubiyat uchun revansh oldi. Bir soatu 23 daqiqa davom etgan bahsda Istomin 6:3, 7:5 hisobida zafar quchib, ikkinchi davraga yo'l oldi. Hamyurtimiz dunyo reytingida 103, Frederiku esa 291-o'rinni egallab turibdi.