31 jan 07:28
Yangiliklar

Tennis

Istomin AQSHda dunyoning 50-raketkasini mag'lub etdi

Xabar berganimizdek, AQSHning Nyuport shahrida tennis bo'yicha "CHellenjer" turkumiga kiruvchi turnir bo'lib o'tmoqda.

Mukofot jamg'armasi 162 480 AQSH dollarini tashkil etgan musobaqada hamyurtimiz Denis Istomin ham muvaffaqiyatli odimlamoqda. Turnirda 15-raqam ostida tasniflangan Istomin musobaqadagi ikkinchi g'alabasiga erishdi.

ATP reytingida 170-pog'onada borayotgan Istomin nimchorak final uchrashuvida dunyoning 50-raketkasi, amerikalik Frensis Tiafoga qarshi kortga chiqdi va kuchli raqibini 6:3, 6:2 hisobida mag'lubiyatga uchratdi.