Istomin Astana "CHellenjer" bosh sovrini uchun kortga chiqadi

Musobaqaning juftliklar bahsida tajribali tennischimiz Denis Istomin ham muvaffaqiyatli odimlamoqda. Hamyurtimiz Polshaga qarshi kechgan Devis Kubogi doirasidagi uchrashuvda yakkalikdagi faoliyatini yakunlaganini elon qilgandi. 

Bugun Istomin rossiyalik Evgeniy Karlovskiy bilan birga Astanadagi "Prezident Kubogi" turniri bosh sovrini uchun kortga chiqadi. Istomin/Karlovskiy tandemi 1/2 finalda turnirning birinchi raqamli juftligi - isroillik Daniel Gukerman hamda avstriyalik Neyl Oberleytner hamkorligini 4/6, 7/6(5), tay-brekda 10/7 hisobida taslim etdi.     

Bugun Denis va Evgeniy musobaqa bosh sovrini uchun rossiyalik tennischilar - Egor Agafonov hamda Ilya Simakin juftligiga qarshi bahs olib borishadi. Final uchrashuvi bizning vaqt bilan soat 15:00da boshlanadi.