Istomin - Bagdatis final uchrashuvi soat 13:30da boshlanadi

Mamlakatimizning birinchi raqamli tennischisi Denis Istomin bugun hal qiluvchi final uchrashuvida bosh mukofot uchun kortga chiqadi. Toshkent vaqti bilan soat 13:30da boshlanadigan bahsda Istomin kiprlik Markos Bagdatis bilan munosabatlariga oydinlik kiritib oladi.

Kecha hamyurtimiz yarim finalda yaponiyalik Yuichi Sugitani 6:2, 6:7, 6:0 hisobida mag'lubiyatga uchratgandi. Undan avvalgi bosqich uchrashuvlarida esa reytingda o'zidan ancha yuqorida turgan tennischilar Yan-Lennard SHtruff, Karen Xachanov va Jared Donaldsonni musobaqadan chiqarib yuborgan edi.

Malumot uchun, turnir finalchisi 150 reyting ochkosi hamda 96 610 AQSH dollariga ega bo'ladi. G'olib tennischi esa 250 reyting ochkosi va 183 435 AQSH dollariga o'z g'aznasini boyitib oladi.

Taqqoslash uchun, Istomin ayni paytda dunyo reytingida 78, kiprlik tennischi esa 113-pog'onani egallab turibdi. Denis faoliyatida bir, Markos esa 4 marotaba ATP turnirlarida bosh mukofotni qo'lga kiritgan.