Istomin chempionlik himoyasini Toshkentda tug'ilgan franciyalik tennischiga qarshi boshlaydi

Sovrin jamg'armasi 125 ming dollarni tashkil qiluvchi ushbu turnirda dunyoning 20dan ziyod davlatidan ko'zga ko'ringan tennischilar ishtirok etadi. CHexiyalik Irji Veseli turnirning birinchi raketkasi sifatida etirof etilgan.

SHuningdek, franciyalik Jereme SHardi, livatlik Rikardas Berankis, rossiyalik Evgeniy Donskoy kabi tennischilarning poytaxtimizga tashrif buyurishi musobaqaning qiziqarli kechishini taminlashi aniq.

Qura natijasiga ko'ra, tennischilarimizning asosiy to'r ilk davrasidagi raqiblari nomi malum bo'ldi. Unga ko'ra, musobaqaning amaldagi g'olibi Denis Istomin birinchi davrada Gleb Saxarovga qarshi kortga chiqadi. Toshkent shahrida tug'ilgan Saxarov ayni paytda Franciya sharafini himoya qilyati. Gleb dunyo reytingida 273-pog'onadan joy olgan.

Qolgan tennischilarimizga to'xtaladigan bo'lsak, istedodli Jo'rabek Karimov Bosniya va Gercegoviniya vakili Mirza Basichga, Humoyun Sultonov o'tgan yilgi finalchi, slovakiyalik Lukash Lackoga, Sanjar Fayziev rossiyalik Evgeniy Donskoyga, SHonig'mat SHofayziev esa Yannik Mertens bilan munosabatlariga oydinlik kiritib oladi.

Etiborlisi, o'tgan yilgi turnirda mamlakatimizning birinchi raqamli tennischisi Denis Istomin barcha raqiblarini mag'lubiyatga uchratib, bosh mukofotni qo'lga kiritgan edi. U hal qiluvchi final uchrashuvida slovakiyalik Lukash Lackoni 6:3, 6:4 hisobida taslim etgandi.