Istomin CHendudagi musobaqada chempionlik unvonini himoya qila olmaydigan bo'ldi

Yodingizda bo'lsa, o'tgan yili ushbu musobaqada hamyurtimiz Denis Istomin g'alaba qozongandi va 250 reyting ochkosiga ega bo'lgandi. Qoidaga binoan, Denis bu yilgi musobaqada o'sha 250 ochkoni himoya qilishi lozim edi. Afsuski, hamyurtimiz jarohat sabab ushbu turnirda ishtirok eta olmaydigan bo'ldi.

Bu degani, Denis o'tgan yili ishlab olgan 250 reyting ochkosidan mahrum bo'ladi va reytingda sezilarli darajada pasayadi.

Biz Istominga tezroq sog'ayib ketib, yangi turnirlarda g'oliblikni qo'lga kiritishini tilab qolamiz.