Istomin Dallas turniridagi ishtirokini g'alaba bilan boshladi

Sovrin jamg'armasi 108 ming 320 AQSH dollardan iborat ushbu turnirda hamyurtimiz Denis Istomin ham ishtirok etyapti. Musobaqada 13-raqam ostida tasniflangan mamlakatimizning birinchi raketkasi o'z ishtirokini to'g'ridan-to'g'ri ikkinchi bosqichdan boshladi. 

Istomin bu davrada chililik Alexandro Tabiloga qarshi kortga chiqdi. ATP reytingida 164-o'rinni egallab turgan Denis 1 soatu 56 daqiqa davom etgan bahs yakunida 172-pog'onadan joy olgan raqibini 6:2, 4:6, 7:6(2) hisobida mag'lubiyatga uchratdi. Bu tennischilarning o'zaro ilk uchrashuvi edi. Bugun Istomin nimchorak final bahsida dunyoning 92-raketkasi, germaniyalik Dominik Kyopferga qarshi kortga chiqadi.