Istomin - Donaldson. Prevyu

31 dekabr kuni start olgan ATP-250 turnirining mukofot jamg'armasi 468,910 AQSH dollari hisoblanadi.

Hamyurtimiz musobaqaning ilk davrasida bosniyalik David Jumxurga qarshi kortga chiqib, 6:7, 6:3, 6:2 hisoblarida g'alaba qozongandi.

Ertaga u musobaqaning chorak finaliga yl olish uchun amerikalik Jared Donaldsonga qarshi o'yin o'tkazadi.

Ushbu to'qnashuv oldidan o'yinchilarning ko'rsatkichlarini etiboringizga taqdim etmoqchimiz.

Bungacha tennischilar ikki marotaba to'qnash kelganlar. Ushbu o'yinlarning har ikkisi ham 2017 yilda bo'lib o'tgan. Bahslarda Istominning qo'li baland kelgan.

Hamyurtimiz may oyida Madriddagi turnirning saralashida bo'lib o'tgan birinchi o'yinda 7:6, 6:4 hisoblarida, sentyabr oyida esa CHenduda 2:6, 7:5, 7:6 hisoblarida g'alaba qozongandi.

O'zaro o'yinlar:

2017 yil: Istomin - Donaldson 7:6, 6:4 (Madrid)

2017 yil: Istomin Donaldson 2:6, 7:5, 7:6 (CHendu)


Istomin ilk davrada Jumxurni 6:7, 6:3, 6:2 hisoblarida mag'lub etgani haqida aytib o'tdik. Donaldson esa mezbon tennischi Jordan Tompsondan 6:2, 6:4 hisoblarida ustun kelgan.



Bugungi kunda Istomin dunyo reytingida 63, Donaldson esa 54-o'rinni egallab turibdi. Bahsda g'olib bo'lgan tennischi chorak finalda Xarrison/Xanfman to'qnashuvi g'olibiga qarshi kortga chiqishi mumkin bo'ladi.

Malumot uchun, Brisbendagi turnirning birinchi bosqichida g'alaba qozongan tennischi 20 reyting ochkosi va 8 010 AQSH dollarini qo'lga kiritadi. Ikkinchi davra g'olibi esa 45 ochko va 13 595 AQSH dollarini o'ziga naqd qilib oladi.



Denis so'nggi rasmiy 10ta o'yinidan 6tasida g'alaba qozongan. Donaldson esa 10ta o'yinidan 2tasidagina g'olib bo'la olgan.

O'yin ertaga Toshkent vaqti bilan soat 07:30dan so'ng boshlanadi.

Aziz To'xtamurodov tayyorladi