Istomin - Gayo uchrashuvi ertaga o'tkaziladi, ustunlik hozircha Denis tomonda

Xabar berganimizdek, ushbu musobaqada O'zbekistonning birinchi raketkasi Denis Istomin ham ishtirok etyapti. Tennischimiz kecha turnirning ikkinchi davrasida kolumbiyalik Santyago Jiraldo 6:3, 7:6(7) hisobida mag'lub etgan edi.

Ertaga Istomin nimchorak final bahsida italiyalik Federiko Gayoga qarshi o'yin o'tkazadi. Denis ayni paytda ATP reytingida 170, Gayo esa 151-o'rinni egallab turibdi. Tennischilar shu kungacha o'zaro bir marotaba to'qnash kelishgan. 2018 yili poytaxtimizda o'tkazilgan Toshkent CHellenjer turniri doirasida Istomin Gayoni 6:3, 6:4 hisobida mag'lub etgan edi.