Istomin Ilkeldagi birinchi va oxirgi uchrashuvini o'tkazdi

Sovrin jamg'armasi 137 560 evroni tashkil qiluvchi ushbu musobaqada mamlakatimizning birinchi raketkasi Denis Istomin ham ishtirok etdi. Hamyurtimiz turnirda to'rtinchi raqam ostida saralangan bo'lib, o'z ishtirokini to'g'ridan-to'g'ri ikkinchi bosqichda boshladi.

Afsuski, Istomin uch set davom etgan ikkinchi davra uchrashuvida chexiyalik Lukash Rosolga imkoniyatni boy berib qo'ydi. Birinchi setda Rosol 6:3 hisobida zafar quchdi. Ikkinchi setda Istomin muvozanatni tikladi - 6:4. Hal qiluvchi uchinchi setda esa Lukash 6:4 hisobida zafar quchib, chorak finalga yo'l oldi. 

Taqqoslash uchun, Rosol ATP reytingida 137, Istomin esa 105-o'rinni egallab turibdi. CHexiyalik tennischi ilk davrada avstriyalik Sebastyan Offnerni 6/7(8), 6:3, 7/6(2) hisobida mag'lub etgan edi.