Istomin ishtirokidagi uchrashuv yomg'ir sabab to'xtatildi

Hamyurtimiz bundan bir necha soat avval “CHellenjer” turkumiga kiruvchi turnirning birinchi davra uchrashuvida kortga chiqdi. Uning raqibi slovakiyalik Yozef Kovalik bo'lmoqda. 

Lekin yomg'ir sabab ushbu bahs kechiktirildi. Birinchi setning birinchi geymida Kovalik hisobda oldinga chiqib olgan. Denis to'p uzatayotgan ikkinchi geymda uchrashuv to'xtatilgan. Hozircha bahsning qachon davom ettirilishi malum emas. 

Taqqoslash uchun, Denis Istomin ayni paytda jahon reytingida 101, Yozef Kovalik esa 116-o'rinni egallab turibdi. Tennischilar shu kungacha o'zaro to'qnash kelishmagan. Istomin - Kovalik uchrashuvi g'olibini ikkinchi davrada turnirning oltinchi raketkasi italiyalik Berretini kutib turibdi.