14 sen 17:31
Yangiliklar

Tennis

Istomin Istanbul turnirining finalida o'ynaydi!

Turkiyaning Istanbul shahrida o'tkazilayotgan tennis bo'yicha “CHellenjer” turkumiga kiruvchi turnir o'z yakuni sari yaqinlashmoqda.

Bundan bir necha daqiqa avval O'zbekistonning birinchi raketkasi Denis Istomin musobaqaning hal qiluvchi final uchrashuviga yo'l oldi. Hamyurtimiz yarim finalda gollandiyalik Van de Zandshulpga qarshi bahs olib bordi.

Turnirda beshinchi raqam ostida tasniflangan Denis 1 soatu 57 daqiqa davom etgan bahs yakunida raqibini 6:3, 3:6, 6:3 hisobida dog'da qoldirdi. Endi ertaga Istomin bosh sovrin uchun uchrashuvda franciyalik Ugo Umberga qarshi kortga chiqadi. Turnirning birinchi raketkasi bo'lgan Umber yarim finalda Blaj Kavchichni 6:2, 6:1 hisobida engdi.

Taqqoslash uchun, Zandshulp ATP reytingida 340, Istomin 182, Umber esa 72-o'rinni egallab turibdi.