02 mar 08:17
Yangiliklar

Tennis

Istomin Kolambusdagi ishtirokidan qancha ishlab oldi?

Xabar berganimizdek, mamlakatimizning birinchi raketkasi Denis Istomin AQSHning Kolambus shahrida yakunlangan "CHellenjer" turniri vice-chempionligini qo'lga kiritgandi.

Denis mukofot jamg'armasi 54 160 AQSH dollarini tashkil etuvchi musobaqaning hal qiluvchi finalida amerikalik Jeffri Volfga qarshi kortga chiqib, 4:6, 2:6 hisobida imkoniyatni boy berib qo'ygan edi.

Turnirda beshinchi raqam ostida harakat qilgan hamyurtimiz bahs davomida 9 ta eys zarbasini amalga oshirdi. Reytingda Denisdan ikki pog'ona yuqorida turgan Volf esa bitta ham eysni amalga oshira olmagandi. Bu tennischilarning o'zaro o'tkazgan ilk uchrashuvi bo'ldi.

Kolambusdagi muvaffaqiyatli ishtirok Jey Volfga 7,200 AQSH dollari miqdoridagi mukofot puli hamda 80 reyting ochkosini taqdim etdi. Istomin esa vice-chempion sifatida 4,240 dollar ham 48 reyting ochkosini qo'lga kiritdi.