10 fev 09:41
Yangiliklar

Tennis

Istomin Nyu-Yorkda 122 daqiqalik uchrashuv o'tkazdi

AQSHning Nyu-York shahrida tennis bo'yicha erkaklar o'rtasida mukofot jamg'armasi 804 180 AQSH dollarini tashkil etuvchi musobaqa start oldi.

Turnirning saralash bosqichi doirasida O'zbekistonning birinchi raketkasi Denis Istomin ham ishtirok etdi. Tennischimiz avstraliyalik Bernard Tomichga qarshi kortga chiqdi. Ikki soatu ikki daqiqa davom etgan qiyin bahsda Tomich 7:6(5), 4:6, 7:6(5) hisobida g'alaba qozonib, saralashning final o'yiniga yo'l oldi.

Taqqoslash uchun, Denis Istomin ayni paytda jahon reytingida 164, Bernard Tomich esa 190-o'rinni egallab turibdi.