16 iyu 07:06
Yangiliklar

Tennis

Istomin Nyuport turniridagi ishtirokini boshlaboq tugatdi

AQSHning Nyuport shahrida tennis bo'yicha ATP turnirining asosiy to'r bahslari davom etmoqda.

Sovrin jamg'armasi 652 245 dollarni tashkil etuvchi turnirda hamyurtimiz Denis Istomin ham ishtirok etdi. Mamlakatimizning birinchi raketkasi ilk davrada amerikalik Tennis Sandgrenga qarshi kortga chiqdi.

Afsuski, 2 soatu 18 daqiqa davom etgan uchrashuvda Istomin raqibiga 4:6, 7:5, 4:6 hisobida imkoniyatni boy berib qo'ydi va musobaqadagi ishtirokini yakunladi.

Taqqoslash uchun, Denis Istomin ATP reytingida 107, Sandgren esa 72-o'rinni egallab turibdi. Tennischilar shu kungacha o'zaro uchrashishmagan edi.