30 jan 09:16
Yangiliklar

Tennis

Istomin okean orti turniridagi ishtirokini g'alaba bilan boshladi

AQSHning Nyuport shahrida tennis bo'yicha "CHellenjer" turkumiga kiruvchi turnir bo'lib o'tmoqda.

Mukofot jamg'armasi 162 480 AQSH dollarini tashkil etgan musobaqada hamyurtimiz Denis Istomin ham o'z omadini sinab ko'ryapti. Turnirda 15-raqam ostida tasniflangan Istomin ikkinchi davra uchrashuvida g'alabaga erishdi.

Tennischimiz amerikalik Seku Bangurani 1 soatu 49 daqiqa davom etgan bahsda 7:6(6), 6:4 hisobida mag'lub etdi. Istomin ATP reytingida 170, Bangura esa 307-o'rinni egallab turibdi. O'z ishtirokini to'g'ridan-to'g'ri ikkinchi bosqichdan boshlagan hamyurtimiz nimchorak finalda dunyoning 50-raketkasi, amerikalik Frensis Tiafoga qarshi kortga chiqadi.