21 sen 11:03
Yangiliklar

Tennis

Istomin Piter turniri juftligida kortga chiqmadi

Rossiyaning Sankt-Peterburg shahrida tennis bo'yicha nufuzli ATP turniri bo'lib o'tmoqda.

Ushbu musobaqada mamlakatimizning birinchi raketkasi Denis Istomin ham ishtirok etayotgan edi. Denis jarohati sabab yakkalik bahslarining ilk davrasida qozog'istonlik Mixail Kukushkinga qarshi uchrashuvni yakuniga etkaza olmagandi.

Hamyurtimiz juftlik musobaqasida rossiyalik Mixail Elgin bilan juftlik hosil qilgan va ilk davrada mezbon tennischilar - Taymuraz Gabashvili hamda Evgeniy Karlovskiydan 6:3, 6:3 hisobida ustun kelishgandi.

Afsuski, Denis Istominning jarohati sababli bugunga belgilangan juftlikning ushbu ikkinchi bosqich uchrashuvi o'tkazilmaydigan bo'ldi. Natijada Sebalos va Peraltadan iborat juftlik keyingi bosqichga kurashsiz yo'l oldi.