Istomin qatnashgan turnirda Taro chempion bo'ldi

Hal qiluvchi final uchrashuvida yaponiyalik Daniel Taro hamda tunislik Malek Jaziri o'zaro to'qnash kelishdi. Ikki soatu 22 daqiqa davom etgan bahsda dunyo reytingida 114-o'rinni egallab turgan Kunchiqar yurt vakili 7:6(4), 6:4 hisobida zafar quchdi. 

Ushbu muvaffaqiyatli ishtirok 25 yoshli Taroga 76,020 dollar mukofot puli hamda 250 reyting ochkosini taqdim etdi. Istanbul Open turnirida hamyurtimiz Denis Istomin ham ishtirok etgan va ilk davradayoq mag'lubiyatga uchragan edi.