Istomin - Raonich. Tennischilar o'zaro beshinchi bahsda to'qnash kelishdi

Mukofot jamg'armasi 673 655 AQSH dollarini tashkil etuvchi musobaqada hamyurtimiz Denis Istomin ham ishtirok etayotgandi. Garchi saralashda mag'lubiyatga uchragan bo'lsa-da, tennischimizga turnir tashkilotchilari LL-Laki Luzer, yani baxtli yutqazgan tennischi uchun atalgan asosiy to'r chiptasini taqdim etishgandi. 

Afsuski, Denis bu imkoniyatdan foydalana olmadi. Mamlakatimizning birinchi raketkasi dunyo reytingida 37-pog'onadan joy olgan, Deyrey-Bich turnirida ikkinchi raqam ostida saralangan kanadalik Milosh Raonichga 2:6, 2:6 hisobida yutqazib qo'ydi. Raonich o'zaro uchrashuvlarda endi 5:0 hisobida oldinga chiqib oldi.