14 may 09:42
Yangiliklar

Tennis

Istomin Samarqand “CHellenjer” turnirida, uning ilk raqibi malum

Bugun Samarqand shahrida “CHellenjer” turkumiga kiruvchi turnirning asosiy to'r bahslari boshlanadi.

Sovrin jamg'armasi 75 000 AQSH dollarini tashkil qiluvchi musobaqada hamyurtimiz Denis Istomin ham ishtirok etadi. Mamlakatimizning birinchi raketkasi bugun elon qilingan reytingda o'tgan haftaga nisbatan 5 pog'onaga pastlab, 96-o'ringa tushib ketgandi.

Istomin mavqeyini tiklab olish uchun ham Samarqanddagi turnirda bosh mukofotni qo'lga kiritishni maqsad qilgan. U ilk davrada argentinalik Pedro Kachinga qarshi kortga chiqadi. Messining vatandoshi dunyo reytingida 289-o'rinni egallab turibdi.

Istomin - Kachin uchrashuvi ertaga soat 10:00da boshlanadi. Aynan Istomin Samarqand turnirining birinchi raketkasi sifatida harakat qiladi. ATP reytingida 199-o'rinni egallab turgan vengriyalik Atilla Balash ikkinchi raketka sifatida qayd etilgan.