Istomin Sofiyadagi ishtirokidan 5 285 € ishlab oldi

Sofia Open turnirining mukofot jamg'armasi 586 140 evroni tashkil qiladi. Ushbu musobaqada mamlakatimizning birinchi raketkasi Denis Istomin ham ishtirok etdi. ATP reytingida 106-o'rinni egallab turgan hamyurtimiz kecha o'tkazilgan ilk davra uchrashuvida 53-pog'onadan joy olgan italiyalik Matteo Berrettiniga 4:6, 6:7(7) hisobida imkoniyatni boy berib qo'ydi. 

Sofiya turnirida chempion bo'lgan tennischi 90 390 evro mukofot puli hamda 250 reyting ochkosini qo'lga kiritadi. Denis kechagi ishtiroki uchun 5 285 evro mukofot puliga ega bo'ldi. Lekin birinchi davradagi mag'lubiyat uchun reyting ochkosi berilmaydi. Istominni xafa qilgan Matteo endi ikkinchi bosqichda turnirning birinchi raketkasi rossiyalik Karen Xachanovga qarshi kortga chiqadi.