Istomin - Sugita bahsi yomg'ir sabab belgilangan vaqtdan kechroq boshlanadi

Mamlakatimizning birinchi raqamli tennischisi Denis Istomin bugun yarim final uchrashuvida yaponiyalik Yuichi Sugitaga qarshi kortga chiqadi. Bu bahs CHenduda yomg'ir yog'ayotgani bois belgilangan muddatdan kechroq boshlanadi.

Istomin ushbu nufuzli turnirning yarim final bosqichiga qadar bo'lgan uchrashuvlarda reytingda o'zidan ancha yuqorida turgan tennischilar Yan-Lennard SHtruff, Karen Xachanov va Jared Donaldsonni mag'lubiyatga uchratdi.

Malumot uchun, CHendudagi turnir yarim finaliga etib kelgan Denis Istomin 52 335 AQSH dollari hamda 90 reyting ochkosi egasiga aylandi. Finalchi 150 ochko (96 610 AQSH dollari), g'olib esa 250 ochko (183 435 AQSH dollari)ni qo'lga kiritadi.

Taqqoslash uchun, Istomin ayni paytda dunyo reytingida 78, yaponiyalik tennischi esa 43-pog'onani egallab turibdi.