Istomin “Toshkent CHellenjer”ida qatnashish uchun etib keldi

Aniqrog'i, 7 oktyabr kunidan etiboran “Toshkent CHellenjer” musobaqasining saralash bahslari boshlanadi. 6 oktyabr kuni esa aynan saralash hamda asosiy to'r bahslariga qura tashlash marosimi bo'lib o'tadi.

Turnirning  sovrin jamg'armasi 125 000 AQSH dollarini tashkil qiladi. Mazkur musobaqada mamlakatimizning birinchi raqamli tennischisi Denis Istomin ham ishtirok etadi va kecha u Toshkentga etib keldi. Ayni daqiqalarda u markaziy kortda Petr Lebed boshchiligida mashg'ulotlarni o'tkakazyapti.

Eslatib o'tamiz, o'tgan yilgi finalda Istomin finalga qadar etib borib, turnir vice-chempioniga aylangandi. U bosh mukofot uchun bahsda rossiyalik Konstantin Kravchukka 5:7, 4:6 hisobida imkoniyatni boy berib qo'ygandi. Denis 2011 va 2015 yillarda bosh mukofot sohibiga aylangan edi.

Istomin “Toshkent CHellenjeri”ga yuqori kayfiyatda tashrif buyurdi. U o'tgan hafta Xitoyning CHendu shahrida o'tkazilgan nufuzli turnirda bosh mukofotni qo'lga kiritgan va buning natijasida dunyo reytingida 25 pog'onaga ko'tarilgan hamda 53-o'ringa joylashgandi.

Malumot uchun, Denis Istomin Toshkent “CHellenjer” turnirining birinchi raketkasi bo'ladi. Hamyurtlarimizdan Farrux Do'stov ham asosiy to'r bahslarida ishtirok etadi.

Yaqin kunlarda Denis Istomin www.olamsport.com sayti mehmoni bo'ladi.