Istomin "Ulkan toj"larda: ko'rsatkichlar, so'nggi ishtirok va boshqalar haqida

Etiboringizga Denis Istominning "Ulkan toj"lardagi ishtirokiga oid faktlarni taqdim etamiz.

O'zbekistonning birinchi raqamli raketkasi ertaga "Ulkan toj"larda 36-marotaba qatnashadi.

U ilk marotaba 2006 yilgi "Australian Open"da qatnashgan.

2009 yildan beri muntazam "Ulkan toj" turkumidagi musobaqalarda ishtirok etadi.

Ketma-ket ushbu nufuzli turnirda qatnashish bo'yicha Denisning ko'rsatkichi 34 tani tashkil qiladi.

Istomin so'nggi o'tkazilgan "Ulkan toj" - "Australian Open"da ham ishtirok etgan va chorak final ostonasida to'xtagandi. O'sha turnirda tennischimiz Novak Jokovichni musobaqadan chiqarib yuborgani barchaning yodida bo'lsa kerak.

Denisning so'nggi "Rolan Garros"dagi ishtirokiga to'xtaladigan bo'lsak, o'tgan yilgi Franciya ochiq chempionatida vakilimiz ilk bosqichda argentinalik Xuan Monakoga to'qnash kelgan va 6:3, 4:6, 3:6, 5:7 hisoblarida imkoniyatni boy bergan.

Tennischimizning "Rolan Garros"lardagi eng yaxshi ko'rsatkichi ikkinchi bosqich bo'lganini qayd etib o'tishimiz lozim. U 2009, 2010, 2012, 2013 va 2014 yillardagina qumli kortdagi "Ulkan toj"da birinchi bosqchida g'alaba qozona olgan holos.

Aziz To'xtamurodov