Istominga “chiqish” eshiklarini ko'rsatgan Oje ilk finalchi!

Sovrin jamg'armasi 75 000 AQSH dollarini tashkil qiluvchi ushbu turnirning yakkalik bahslarida bugun yarim final uchrashuvlari o'tkazilyapti. Bundan bir necha daqiqa avval ilk finalchining nomi malum bo'ldi. 

Kecha chorak finalda Denis Istominni mag'lub etgan kanadalik Feliks Aliassim Oje belaruslik Egor Gerasimovga qarshi kortga chiqdi. Bir soatu 44 daqiqa davom etgan uchrashuvda Oje raqibini 6:4, 7:6(4) hisobida mag'lubiyatga uchratdi. 

Saralash bahslari orqali asosiy to'rga etib kelgan kanadalik tennischi ATP reytingida 128-o'rinni egallab turibdi. Gerasimov esa 242-pog'onadan joy olgan. Ojening finaldagi raqibi birozdan so'ng aniqlanadi. Ayni daqiqalarda o'tkazilayotgan bahsda polshalik Kamil Mayrjak germaniyalik Tobias Kamke bilan hisob-kitob qilyapti.