Istominni yutgan Matteo birinchi raketkani ham musobaqadan chiqarib yubordi

Sofia Open turnirining birinchi raketkasi rossiyalik Karen Xachanov o'z ishtirokini to'g'ridan-to'g'ri ikkinchi bosqichdan boshladi. Lekin dunyoning 11-raketkasi bo'lib turgan Xachanov italiyalik Matteo Berrettiniga yutqazib qo'ydi. 

Italiyalik bu tennischi ilk davrada hamyurtimiz Denis Istominni 6:4, 7:6(7) hisobida taslim etgan edi. Bu safar reytingning 53-pog'onasidan joy olgan Matteo turnirning birinchi raqamli tennischidan 2 soatu 9 daqiqa davom etgan bahs yakunida 6:7(6), 6:3, 6:4 hisobida ustun keldi.