Istominning Almatidagi ikkinchi bahsi 59 daqiqa davom etdi

Sovrin jamg'armasi 50 000 AQSH dollarini tashkil qiluvchi ushbu turnirda hamyurtimiz Denis Istomin birinchi raqam ostida harakat qilyapti. Osiyo o'yinlari g'olibi turnirning ikkinchi davra uchrashuvini o'tkazdi. Hozirgina yakunlangan bahsdagi Denisning raqibi misrlik Muhammad Safvat bo'ldi. 

Bir daqiqasi kam bir soat davom etgan uchrashuvda Istomin raqibiga hech qanday imkoniyat qoldirmadi - 6:2, 6:1. Bu tennischi kecha ilk bosqichda istedodli hamyurtimiz Humoyun Sultonovni dramatik kechgan uchrashuv yakunida 6:2, 4:6, 7:6, taybrekda 7:4 hisobida mag'lub etgandi. Istomin o'sha mag'lubiyat uchun Safvatdan revansh oldi.

Taqqoslash uchun, Denis Istomin dunyo reytingida 103, Muhammad Safvat esa 196-o'rinni egallab turibdi. Tennischilar shu kungacha o'zaro turnirlarda to'qnash kelishmagandi. Bugun Denis hisobni ochishga erishdi.