Istominning kecha nechta eys zarbasini amalga oshirganini bilasizmi?

Xard qoplamali kortlarda o'tayotgan turnirning sovrin jamg'armasi 410 090 dollarni tashkil qiladi. Kecha Istomin ikkinchi davra uchrashuvida germaniyalik Yannik Madenni 6:3, 6:7(6:8), 7:6(7:0) hisobida mag'lub etgandi.

Denis 2 soatu 29 daqiqa davom etgan ushbu bahsda oz emas, ko'p emas 18 ta eys zarbani amalga oshirishga muvaffaq bo'ldi. Bugun 31 yoshli Istomin 1/4 finalda gruziyalik Nikoloz Basilashviliga qarshi kortga chiqadi.

Malumot uchun, gruzin tennischisi kecha turnirning 4-raketkasi lyuksemburglik Jil Myullerdan 6:4, 6:4 hisobida ustun kelgan edi. Istomin dunyo reytingida 82, Basilashvili esa 64-o'rinni egallab turibdi.