09 iyu 07:22
Yangiliklar

Sambo

Ixtiyor Eshmurodov: "Osiyo chempionati uchun vazifa bajarildi. Keyingi maqsad - jahon chempionati!"

Ortda qolgan Osiyo chempionatida -88 kg vaznli vakilimiz Ixtiyor Eshmurodov terma jamoamizga oltin medal taqdim etdi.

Hamyurtimiz finalda eronlik Said Sidamani ustidan tezkor g'alaba qozondi. Ko'plab muxlislarning olqishlariga sazovor bo'lgan bahs qahramonini qisqa suhbatga tortdik.

"CHempionatga bir oy davomida tayyorgarlik ko'rdik. Mashg'ulotlar ko'ngildagidek bo'ldi. Mana bugun finalda chiroyli g'alaba va oltin medalni qo'lga kiritdim. Biroq tezkor g'alaba qayd etaman deb umuman kutmagandim. Meni qo'llab-quvvatlab turgan barchaga rahmat aytaman.

Osiyo chempionati uchun vazifa bajarildi. Keyingi maqsad - jahon chempionati!", - dedi Osiyo chempioni Eshmurodov.